Kiongozi huyo amesema pia mfumo wa haki utaimarishwa ili kushughulikia kesi za watu wanaokamatwa kufuatia matukio ya vurugu yaliyoitikisa Uingereza hivi karibuni.

Soma zaidi: Vurugu Uingereza: Waziri Mkuu awaonya wavunja sheria

Mapema leo, waziri mkuu huyo aliitisha mkutano wa dharura baada ya kutokea machafuko yaliyochochewa na wanaharakati wa siasa kali za mrengo wa kulia kusambaza habari za uongo kwamba Muislamu mwenye itikadi kali za kidini aliyewasili Uingereza hivi karibuni, ndiye aliyehusika na mauaji ya wasichana watatu mjini Southport, kaskazini magharibi mwa nchi hiyo.

Starmer amesema hawatavumilia mashambulizi dhidi ya misikiti na jamii ya Waislamu na kwamba mkono wa sheria utawaandama wote waliohusika na machafuko hayo.