Sunak: Uingereza itasimama kidete na Ukraine
3 Januari 2024![London Premierminister Rishi Sunak | Familienvisa teurer](https://static.dw.com/image/67805916_800.webp)
Matangazo
Taarifa ya ofisi ya waziri mkuu huyo imesema Sunak ametoa ahadi ya msaada wa kijeshi na uungaji mkono wa kidiplomasia. Wakati wa mazungumzo yao ya simu, Sunak alitoa salamu za rambirambi kwa raia wote wa Ukraine waliouawa na kujeruhiwa katika mashambulizi ya kinyama ya anga ya Urusi katika kipindi cha Krismasi. Wiki iliyopita serikali ya Uingereza ilitangaza kuwa itatuma takriban makombora 200 ya ulinzi wa anga nchini Ukraine kutokana na hali ya mashambulizi ya hivi karibuni ya Urusi.