Inaarifiwa kuwa waandamanaji wameuvamia na kuuchoma moto Ubalozi wa Sweden mjini Baghdad.

Waziri wa Mambo ya Nje wa Sweden Tobias Billström amesema tukio hilo halikubaliki na ni wazi kwamba mamlaka za Iraq zimeshindwa katika wajibu wao wa kuulinda ubalozi huo na wafanyakazi wake.

Haya yanajiri baada ya tukio la hivi karibuni la uchomaji wa kitabu kitakatifu kwa Waislamu, Qur'an, kufanyika kwenye mji mkuu wa Sweden, Stockholm.

Tukio hilo lilizusha ghadhabu miongoni mwa Waislamu duniani kote.