Magaidi hao walifanya shambulizi la kuvizia katika kijiji cha al Kawm kilichopo kati ya mji wa Homs unaodhibitiwa na serikali na ule wa Raqqa unaodhibitiwa na vikosi vya Kikurdi vinavyoungwa mkono na Marekani.

Maafisa wa Syria hawakutoa tamko mara moja juu ya shambulio hilo, na kundi la IS halijadai kuhusika na shambulio hilo.

Shambulio hilo limetokea huku ghasia zikiongezekakatika maeneo mengine nchini Syria. 

Soma pia:Iran yasema wanachama 28 wa IS wakamatwa kutokana na njama ya kuishambulia Tehran

Kundi la wanamgambo wa Iraq wanaoungwa mkono na Iran huendesha mara kwa mara mashambulizi kwenye kambi za wanajeshi wa Marekani katika maeneo ya mashariki na kusini mwa Syria.