Wizara hiyo imesema leo kuwa kati ya ndege zilizoonekena, 111 zilivuka eneo muhimu katika Ujia wa Taiwan ambao unazitenganisha China na Taiwan. 

Kulingana na wizara hiyo, meli 14 za jeshi la wanamaji la China pia zilionekana karibu na kisiwa hicho katika kipindi hicho. 

Soma pia:China yadhihirisha nguvu kubwa kwa kufanya mazoezi ya kivita karibu na Taiwan 

Waziri Mkuu wa Taiwan, Cho Jung-tai, amesema mazoezi hayo ya kijeshi hayaleti tu wasiwasi kwa Taiwan, lakini yanahatarisha kudhoofidha ukanda wote. 

Wakati huo huo, maelfu ya askari wa kikosi cha majini wa Marekani na Ufilipino wameanza mazoezi ya pamoja ya kijeshi ya siku 10 kaskazini na magharibi mwa Ufilipino, siku moja baada ya China kufanya mazoezi makubwa kuzunguka Taiwan.