Miongoni mwa waliofariki, tisa, wameripotiwa kufa kaskazini magharibi mwa Pakistan, ambako zaidi ya majengo 10 yaliporomoka.

Hayo ni kulingana na idara inayoshughulikia majanga nchini Pakistan. Zaidi ya watu 100 wameripotiwa kujeruhiwa kufuatia tetemeko hilo.

Idara inayofuatilia matetemeko ya ardhi ya Marekani, imesema tetemeko hilo lilikuwa la ukubwa wa 6.5 kwenye vipimo vya Ritcha na kwamba kitovu chake ni eneo la Jurm, kaskazini mashariki mwa Afghanistan.

Tetemeko hilo lilidumu kwa muda wa sekunde 30.