SiasaAsia
Taliban: Mwanamke anashuka thamani akiacha wazi uso wake
18 Agosti 2023![Taliban ladai ikiwa nyuso za wanawake zitaonekana hadharani kuna uwezekano wa kusababisha fitina.](https://static.dw.com/image/66540817_800.webp)
Matangazo
Msemaji wa wizara muhimu katika serikali ya Taliban huko Afghanistan amesema wanawake hupoteza thamani ikiwa wanaume wataweza kuziona nyuso zilizofunuliwa hadharani.
Ameongeza kuwa, kidini wasomi nchini humo wanakubaliana kwamba mwanamke lazima afunike uso wake akiwa nje ya nyumba.
Molvi Mohammad Sadiq Akif, msemaji wa Wizara ya Taliban yenye kuhusika na masuala ya jamii amesema ikiwa nyuso za wanawake zitaonekana hadharani kuna uwezekano wa kusababisha fitina, au kuanguka katika dhambi.
Taliban, iliyopata dhamana ya nchi Agosti 2021, wanaonekana kama wenye kushindwa kutoa muongozo sahihi wa kuvaa hijab, ikiwa pia ni sababu ya kuwazuia wanawake kujitokeza katika maeneo ya wazi kama ya bustani, kushiriki kazi na chuo kikuu.