Mwenyekiti wa Chama kikuu cha Upinzani cha Tanzania, CUF, Profesa Ibrahim Lipumba,ametoa mwito kwa Rais Jakaya Kikwete wa nchi hiyo, ambaye pia ni mweyekiti wa Umoja wa Afrika, AU, aige mfano wa kupatikana muwafaka wa kisiasa baina ya vyama vinavopingana huko Zimbabwe na Kenya na kuwa kichocheo kwake ili upatikane kwa haraka muwafaka wa kisiasa huko Visiwani Zanzibar baina ya chama tawala cha CCM na chama chake cha CUF. Hayo aliyasema katika mahojiano ya simu aliofanyiwa.