Taarifa hizo zimetolewa na mkuu wa mawasiliano wa CHADEMA, John Mrema, kupitia ujumbe katika ukurasa wa mtandao wa kijamii wa X. Amesema Lissu na viongozi wengine walikamatwa mkoani Mbeya ambako walikwenda kushiriki mkutano wa kuadhimisha siku ya vijana duniani uliopangwa kufanyika leo Jumatatu.

Soma pia: Chama cha upinzani cha CHADEMA kimekuwa kikifanya mikutano yake ya hadhara katika siku za karibuni ya kuhamasisha katiba mpya

Mkutano huo uliandaliwa na tawi la vijana la CHADEMAlakini Polisi ilitangaza kuuzuia  kwa madai ya kuwepo  mipango ya kufanyika maandamano ya vurugu.

Kiongozi wa CHADEMA, Freeman Mbowe, amelaani kukamatwa kwa Lissu na viongozi wengine waandamizi pamoja na wanachama na kuitaka polisi kuwaachia huru bila masharti yoyote.