Ten Hag anasema ni sharti washerehekee ushindi wao wa 2-0 dhidi ya Newcastle United katika kombe la Carabao katika uwanja wa Wembley ila wasisahau kwamba msimu bado haujaisha.

"Kwa mtazamo wetu, kila mechi ni muhimu na huezi kushinda kama hauko imara kwa asilimia 100. Kwa hiyo tuanstahili kufanya kila tuwezalo kushinda mechi hii. Ila kombe hili linaweza kuwa motisha wa kushinda zaidi na kuwa pamoja zaidi na kuweka juhudi zaidi pamoja kwasababu hatutatosheka," alisema Ten Hag.

Kombe hilo la Carabo waliloshinda United lilikuwa lao la kwanza katika kipindi cha miaka sita.

Kwa upande wao wachezaji wa Newcastle United wanasema wamevunjwa moyo na kushindwa kwao jana ila hawana budi kutazama mbele kwani wanahisi walicheza vyema na walikuwa katika kiwango sawa na hao wapinzani wao. Kieran trippier ni beki wa kulia wa Newcastle United.

"Tunajiamini sana katika timu hii, tuna umoja sana katika kundi hili na yote haya yanatoka kwa kocha, Na kama nilivyosema, unajua wakati kama huu mwaka jana, tulikuwa tunapambana tusishushwe daraja. Sasa tumefika fainali ya kombe la ligi kwa hiyo tumepiga hatua kubwa sana," alisema Trippier.