Timu ya Argentina yarejea nyumbani kutoka Qatar
20 Desemba 2022
Sherehe kubwa zimeandaliwa kufanyika baadae leo, ikiwemo gwaride kubwa kwa ajili ya Lionel Messi na wachezaji wenzake. Messi aliyekuwa amelibeba kombe mikononi mwake, alikuwa wa kwanza kushuka kwenye ndege pamoja na kocha wa Argentina, Lionel Scaloni.
Rais wa Argentina, Alberto Fernández ameitangaza siku ya leo kuwa ya mapumziko ya kitaifa ili kumuwezesha kila mmoja kulisherehekea kombe hilo.
soma zaidi:Maoni: Messi ndie bora zaidi kombe la Dunia 2022
Shirikisho la Kandanda la Argentina limesema kuwa timu hiyo itasherehekea ushindi huo pamoja na mashabiki katika eneo maarufu la Plaza de la Republic kwenye mji mkuu, Buenos Aires, ambako kuna mnara wa Obelisk.
Argentina iliibuka mshindi baada ya kuifunga Ufaransa kwa mikwaju ya penalti siku ya Jumapili.