Ofisi ya Trudeau imesema waziri mkuu huyo ameelezea wasiwasi huo katika mazungumzo ya simu na mjumbe wa Baraza la Vita la Israel Benny Gantz.

Waziri Mkuu wa Israel Benjamin Netanyahu ameahidi kuendelea na operesheni ndani ya Rafah, ilioko kwenye ncha ya kusini mwa Ukanda wa Gaza, ambako zaidi ya nusu ya wakaazi milioni 2.3 wa ukanda mzima wamejihifadhi kuepuka mashambulizi ya Israel upande wa kaskazini.

Soma pia:Israel yaidhinisha operesheni ya kijeshi Rafah

Rais wa Marekani Joe Biden alimuonya Netanyahu jana Jumatatu, kwamba operesheni ya kijeshi ya Israel mjini Rafah itasababisha maafa zaidi Gaza, na walikubaliana kuwa kila upande utakutana mjini Washington kujadili operesheni hiyo.