Waendesha mashtaka wanasema mwanasiasa huyo pia litowa taarifa za uwongo kwa maafisa wa polisi. Atafika kwenye viunga vya mahakama ya shirikisho ya mji wa Miami akikabiliwa na jumla ya mashtaka 37 yote ikiwa ni kuhusu madai kwamba alivunja sheria kwa kukusanya na kuondoka na nyaraka chungunzima za siri alipoachia madaraka Januari mwaka 2021.

Waendesha mashtaka wanasema nyaraka hizo zinajumuisha zile siri ya kiwango cha juu ikiwemo taarifa za silaha za nyuklia za Marekani na mikakati ya kiusalama ya Washington ya kujibu hujuma yoyote kutoka nje. Duru zinasema atakuwa pamoja na mshtakiwa mwenzake Walt Nauta ambao wote wamejumuishwa kwenye kesi hiyo.