Rais huyo wa zamani wa Marekani ambae anawania kurejea Ikulu, anakabiliwa na hatia ya mashtaka ya jinai, kufuatia madai kwamba alighushi rekodi za biashara ili kuficha kashfa ya ngono wakati wa kampeni mwaka 2016.

Siku ya kwanza ya kesi hiyo ya kihistoria dhidi ya Trump huko Manhattan ilimalizika bila ya jaji yeyote kuchaguliwa kuwa kwenye jopo la majaji 12 na wengine sita wa mbadala.

Majaji kadhaa walikataliwa baada ya kusema hawakuwaamini wanaweza kutenda haki.

Soma pia:Kesi ya kihistoria dhidi ya Trump yaanza New York

Hiyo ndiyo kesi ya kwanza kati ya nne za jinai dhidi ya Trump kusikizwa na huenda ndiyo itakuwa pekee ambayo uamuzi utafikiwa kabla ya uchaguzi wa mwezi Novemba utakaoamua ikiwa ataweza kuchaguliwa tena.