Hatua hii inajiri mwezi mmoja tangu kuchaguliwa kuiongoza serikali ya nchi hiyo huku lengo kuu likiwa ni kuufufua uchumi ulioporomoka. Jemli, amesema serikali mpya itajumuisha raia wa Tunisia wanaotoka nje ya nchi, bila ya kuwataja kwa majina.

Shirika la habari la TAP la nchini humo, limesema Jemli atawasilisha majina hayo kwa Rais Kais Saied ambaye ataliomba bunge kuandaa kikao maalumu cha kulipigia kura ya imani baraza hilo jipya lilopendekezwa.

Baraza hilo la mawaziri litahitaji kuidhinishwa kwa kura 109 katika bunge lenye viti 217.