Mshambuliaji wa Bayern Robert Lewandowski anaikaribia rekodi ya ufungaji ya nguli wa Bayern Gerd Müller ya kufunga mabao 40 kwa msimu baada ya kutikisa wavu mara mbili katika mechi hiyo.

Lewandowski kwa sasa ana magoli 29 huku zikiwa zimesalia mechi tano Bundesliga ifikie mwisho. Gerd Müller aliiweka rekodi hiyo ya ufungaji katika ule msimu wa mwaka 1971/72.

Kwa ushindi huo Bayern Munich sasa wana pointi 67 wakiwa kileleni.

Mahasimu wao Borussia Dortmund walivuna ushindi mnono pia nao kwani hapo Jumapili waliwacharaza Paderborn magoli sita kwa moja wakiwa ugenini. Nyota wa Dortmund Jadon Sancho alitikisa wavu mara tatu katika mpambano huo na kuongeza idadi ya mabao yake kufikia kumi na sita msimu huu katika Bundesliga.

Ushindi huo umewapelekea BVB kuwa na pointi sitini, pointi saba nyuma ya Bayern Munich ambao siku ya Jumamosi watakuwa na mchuano mkali uwanjani Bay Arena dhidi ya Bayer Leverkusen, mechi ambayo tutaitangaza moja kwa moja hapa DW.