Uchunguzi unaendelea baada ya ndege ya mizigo ya kampuni ya DHL iliyokuwa ikisafiri kutokea Ujerumani kuelekea Lithuania kuanguka jana Jumatatu na kuua mtu mmoja na kuwajeruhi wengine watatu.

Mkuu wa huduma za uokoaji na zima moto wa Lithuania Renatas Po·ela amesema ndege hiyo ambayo ilianza safari yake kutoka mji wa Leipzig mashariki mwa Ujerumani ilianguka kilometa chache kutoka uwanja wa ndege wa Vilnius na kuteleza kwa mita kadhaa.

Mabaki yake yaliligonga jengo la makazi na kusababisha moto. 

Po·ela pia amesema eneo hilo halina idadi kubwa ya watu na wakaazi wote 12 waliokuwa ndani ya jengo hilo lililokuwa likiwaka moto wameokolewa wakiwa salama.