Uchunguzi huo unayamulika magenge yanayoyateka majengo yaliyotelekezwa mjini humo na kuyakodisha kinyume na sheria. Katika mojawapo ya mikasa mibaya zaidi kuwahi kushuhudiwa katika historia ya mji wa Johannesburg, moto huo ulizuka mnamo Agosti 31 katika jengo la zamani lililokuwa limejaa wahamiaji.

Sehemu kubwa ya wahanga waliteketea kiasi cha kutotambulika. Wakati wa tukio hilo, wakaazi wa eneo hilo walisema kwamba jengo hilo lilikuwa limechukuliwa na magenge ya uhalifu.

Johannesburg ni mojawapo ya miji iliyo na pengo kubwa kati ya maskini na matajiri huku umaskini wa kiúpindukia, ukosefu wa ajira na uhaba wa muda mrefu wa nyumba yakiwa baadhi ya matatizo yanayoukabili mji huo.