UEFA imechukua hatua hiyo baada ya kuibuka kwa mkanda wa video unaomuonyesha Coote akivuta poda nyeupe kwa pua wakati alipokuwa hotelini kipindi cha mechi za Euro zilizochezwa hapa Ujerumani mnamo mwezi Juni mwaka huu.

Haya yanafanyika wakati ambapo Shirika la Waamuzi wa Mechi Uingereza kumsimamisha kazi muamuzi huyo mwenye umri wa miaka 42, baada ya mkanda mwengine wa video uliochapishwa kwenye mtandao wa kijamii, kumuonyesha akimkejeli kocha wa zamani wa Liverpool Jurgen Klopp pamoja na klabu hiyo.

Matamshi ya Coote kuhusiana na Klopp pia yanachungzwa na Shirikisho la Kandanda huko Uingereza FA.