MigogoroUfaransa
Ufaransa yatuma polisi kurejesha utulivu New Caledonia
19 Mei 2024![New Caledonia](https://static.dw.com/image/69126890_800.webp)
Matangazo
Hayo yametangazwa na Waziri wa Mambo ya Ndani wa Ufaransa Gerald Darmanin kupitia ukurasa wake wa mtandao wa kijamii wa X. Zaidi ya polisi 600 pamoja na mgambo 100 wametumwa kuondoa vizuizi vilivyowekwa na makundi ya watu na kuifunga barabara hiyo yenye urefu wa kilomita 60.
Machafuko yalizuka mapema wiki hii kwenye kisiwa hicho cha bahari ya Pasifiki kilicho chini ya milki ya Ufaransa kupinga mageuzi ya katiba yanayoshinikizwa na Ufaransa.
Mageuzi hayo yanahusu kuwapatia haki ya kupiga kura watu walioishi kwenye kisiwa cha New Caledonia kwa angalau miaka 10. Makundi ya wazawa wanayapinga mapendekezo hayo wakisema yatapunguza nguvu ya wakaazi wa asili katika ngazi za maamuzi.