Chanjo hiyo itatolewa kwa watu walio katika hatari kubwa ya kuambukizwa ugonjwa huo chini ya mradi ujulikanao kama ‘tokomeza Ebola'.

Haya yanafanyika wakati ambapo waziri wa afya wa Uganda Jane Ruth Aceng amefahamisha kuwa katika muda wa siku tisa sasa hakujakuwepo na mgonjwa mpya wa Ebola.

Shehena ya kwanza ya chanjo elfu moja mia mbili imekabidhiwa wizara ya afya na wataalamu wameeleza kuwa wamejiandaa kuwachoma chanjo hiyo watu wanaojitolea kwa hiari. Miongoni mwa hatua watakazochukua ni kuwaelezea kuhusu usalama wa chanjo hiyo.

Tangu kuzuka kwa mripuko wa Ebola Uganda mwezi Septemba mwaka huu, wanasayansi wamekuwa mbioni kutafuta chanjo inayoweza kudhibiti aina hiyo ya kirusi cha Ebola kijulikanacho kama Sudan.

Chanjo hiyo inaoyanza kufanyiwa majaribio ni moja kati ya chanjo tatu zilizopendekezwa baada ya kufanyiwa majaribio ya awali.