Hii ni baada ya mahakama kupinga makubaliano ya awali na yenye utata kati ya nchi hizo mbili ikisema yalikiuka sheria.

Mkataba huo mpya, ambao utachukua karibu wiki tatu kuidhinishwa na wabunge wa Uingereza, unafuatia uamuzi wa Mahakama ya Juu jana kuwa mpango wa sasa kati ya Uingereza na Rwanda haupaswi kuendelea.

Msemaji wa Waziri Mkuu Rishi Sunak amesema kuwa watawasilisha bungeni mswada unaoweka wazi kuwa Rwanda ni salama, akisema utaiendeleza kazi iliyofanywa na Kigali kwa zaidi ya miezi 15 iliyopita.

Amesema mkataba huo mpya utaonyesha hatua mpya za uhakikisho waliopewa ili kuushughulikia wasiwasi ulioelezwa na majaji watano wa Mahakama ya Juu.