Ujerumani: Watu watatu wauawa katika shambulizi la kisu
24 Agosti 2024![Solingen, Ujerumani | Watu wauawa katika shambulizi la kisu](https://static.dw.com/image/70037896_800.webp)
Msemaji wa polisi ya mji ulio karibu wa Düsseldorf amesema polisi imeanzisha operesheni kubwa ya kumsaka mshukiwa, ambaye alifanikiwa kutoweka katika vurugu zilizofuatia. Mshambuliaji huyo aliwashambulia watu kiholela akitumia kisu. Tamasha hilo lilikuwa sehemu ya mfululizo wa matukio ya kusherehekea miaka 650 ya kuanzishwa mji huo.
Katika taarifa iliyochapishwa mtandaoni, meya wa Solingen Tim-Oliver Kurzbach amesema mji mzima upo katika mshtuko mkubwa na unaomboleza. Solingen ni mji wa wakaazi 160,000 unaopatikana umbali sawa kutoka Düsseldorf na Cologne.
Watu walikusanyika mjini humo jana jioni katika siku ya kwanza ya tamasha la siku tatu la kusherehekea kuasisiwa kwake. Zaidi ya wageni 75,000 walitarajiwa kuhudhuria sherehe hizo za siku tatu. Kufuatia shambulizi hilo, mji wa Solingen umezifuta kabisa sherehe hizo.