Kwa mujibu wa shirika hilo ukosefu huo wa vipuri  ambao ni tatizo katika soko la usambazaji dunia nzima, utasababisha ratiba za safari za ndege kuvurugika kwa kipindi cha kiasi  wiki mbili.

Ndege za shirika hilo zitalazimika kuchukua muda mrefu kusubiri kufanyiwa matengenezo kabla ya kuanza safari zake.

Shirika hilo  ambalo ni moja ya mashirika makubwa ya ndege barani Afrika limesema matatizo hayo kwa mara ya kwanza, yalianza kushuhudiwa mwezi Januari mwaka huu.

Wakati huo lilieleza kwamba yalichangiwa na vita vya Ukraine kutokana na soko la usambazaji vipuri vya ndege  la Urusi lilikuwa na changamoto.