Hadi kufikia hapo jana Alhamisa dadi kamili ya watu waliathirka na mashambulizi hayo haikuwa imethibitishwa. Baadhi ya ripoti za Urusi zinasema watu wanne wameuawa huku nyingine zikitaja kuuawa kwa watu tisa. Kulingana na ripoti za Urusi, shambulizi hilo lililolenga msafara wa magari lilifanywa kwa kutumia makombora ya Marekani aina ya Himars. Video zilionesha magari yalioharibika pamoja na miili kadhaa ya waliokufa. Hata hivyo ripoti hizo hazikuweza kudhibitishwa kwa njia huru. Urusi imeteka rasmi eneo la Donetsk lakini bado inathibiti tu kiasi kidogo zaidi ya nusu ya jimbo hilo . Wakati huo huo mapigano makali yanaendelea katika eneo la Bakhmut lililoko katika jimbo la Donetsk ambapo vikosi vya Ukraine vinaendelea kupinga majaribio ya Urusi ya kuuteka mji huo ambao ulikuwa makazi ya watu 70,000.