Katika taarifa yake iliyoandikwa kwenye mtandao wa Telegram jeshi la Ukraine limesema ndege hizo zilizotengenezwa nchini Iran chapa Shahed-136/131 zilizorushwa na vikosi vya Urusi kutokea eneo la Crimea zilitunguliwa na kuharibiwa na mifumo ya ulinzi wa anga katika maeneo ya kusini ya Kherson, Mykolaiv na Odesa.

Gavana wa Odesa Oleh Kiper amesema miundo mbinu ya vifaa imeshambuliwa lakini hakuna watu waliojeruhiwa.

Wakati hayo yakiarifiwa, rais wa Ukraine Volodymir Zelensky yuko ziarani mjini Bucharest, Romania kwa mazungumzo kuhusu usalama.

Zelensky amesema atazungumza na rais Klau Iohannis na kuimarisha mahusiano baina ya nchi zao.