Matamshi ya Rais Zelensky yanakuja siku moja baada ya Urusi kuishutumu Ukraine kwa kuharibu daraja muhimu  katika eneo hilo la mpakani, huku Ukraine ikitafuta kuvuruga njia za usambazaji bidhaa na zinazotumiwa na wanajeshi wa Urusi katika eneo hilo.

Soma pia:Ukraine, Urusi zadai kuimarisha mashambulizi

Katika taarifa kupitia mtandao wa Telegram, Rais Zelensky amesema kuwa mkuu wa jeshi lake Oleksandr Syrsky ameripoti kuhusu uimarishaji wa nafasi ya vikosi vya nchi hiyo katika mkoa wa Kursk .

Urusi yasema imevirudisha nyuma vikosi vya Ukraine

Wizara ya ulinzi ya Urusi, imesema leo kuwa imevirudisha nyuma vikosi vya Ukraine karibu na maeneo matatu ya makazi katika eneo laKurskna linayasaka makundi ya adui yanayojaribu kupenya zaidi kwenye ardhi ya nchi hiyo.