Rais VolodymyrZelensky amesema taarifa za kiintelijensia za nchi hiyo, zimebaini kwamba kundi la kwanza la wanajeshi wa Korea Kaskazini wataanza kutumika katika vita hivyo kati ya Jumapili na Jumatatu. Nchi za Magharibi zimeonya kuwa hatua kama hiyo itachochea zaidi vita hivyo vya takriban miaka mitatu na kuleta athari kubwa katika siasa za kikanda. Kwa mujibu wa kurugenzi kuu ya intelijensia ya Ukraine, vikosi vya Korea Kaskazini vilionekana tangu siku ya Jumatano mkoani Kursk. Wanajeshi wake walikuwa wakipata mafunzo kwa wiki kadhaa katika kambi mashariki mwa Urusi. Inakadiridiwa kuwa wanajeshi wapatao 12,000 wametumwa na Pyongyang nchini Urusi.