Kauli ya Ukraine imejiri wakati mawaziri wa kigeni wa Jumuiya ya NATO wamejiandaa kulikataa shinikizo la Kyiv la kutaka kukaribishwa kuwa mwanachama wa Jumuiya hiyo, kabla Donald Trump hajaingia madarakani nchini Marekani.

Trump ameahidi kushinikiza hatua ya kufikiwa makubaliano ya haraka ya kumaliza vita vya Urusi, hatua ambayo inaifanya serikali mjini Kiev kuhangaika kutafuta msimamo wake kabla ya utawala huo mpya Marekani.

Rais Zelensky aitaka Marekani iushawishi Umoja wa Ulaya ukubali kuikaribisha Ukraine NATO

Wanadiplomasia wamesema hakuna uwezekano wa mkutano huo wa Brussels wa mawaziri wa kigeni wa NATO kukubali pendekezo la Ukraine.

Marekani na Ujerumani zimeshajitenga na pendekezo hilo kwa kukhofia linaweza kusababisha muungano huo kutumbukia vitani na Urusi.