Serikali ya Ukraine imetuma msafara wa mabasi kwenda katika mji uliozingirwa wa Mariupol kuwaondoa raia ambao bado wamekwama huko, kufuatia tangazo la Urusi la usitishaji wapigano wa muda mjini humo.
Picha: Alexander Ermochenko/REUTERS
Matangazo
Naibu waziri mkuu wa Ukraine Iryna Vereshchuk, amesema katika ujumbe wa vidio kuwa mabasi 45 yatatumwa mjini Mariupol Alhamis, na kuongeza kuwa wanafanya kila linalowezekana kuhakikisha kuwa mabasi hayo yanafika na kuwachukuwa watu ambao bado hawajaweza kuondoka huko.
"Usiku huu tumepokea ujumbe kutoka kamati ya kimataifa ya Msalaba Mwekundu kwamba Shirikisho la Urusi linathibitisha kuwa tayari kufungua njia kwa msafara wa kimataifa kwenda mjini Mariupol, alisema Vereshchuk.
Naibu waziri mkuu wa Ukraine Iryna Vereschchuk.Picha: AP
"Tumetuma mabasi 45 kwenye njia ya kwenda Mariupol. Tutafanya kila kitu kuhakikisha mabasi hayo yanafika Mariupol na kuwaondoa watu ambao hawakuweza kutoka huko mpaka sasa."
Msafara huo wa mabasi unakusudiwa kubeba watu kutoka Mariupol kuwapeleka Zaporizhzihia, umbali wa karibu kilomita 300, kupitia mji unaodhibitiwa na Urusi wa Berdyansk. Juhudi kadhaa za nyuma kuwaondoa raia zimeshindwa kutokana na kushindwa kuweka njia salaama za kutokea, katikati mwa mapigano.
Mji wa Mariupol, ulio kwenye bahari ya Azov, umezingiriwa na vikosi vya Urusi tangu mwanzoni mwa mwezi Machi.
Mazungumzo yamekwama baina ya Ukraine na Urusi
01:18
This browser does not support the video element.
Kwa mujibu wa maafisa wa Ukraine, zaidi ya watu 100,000 bado wamo katika mji huo ulioharibiwa vibaya, wanakokabiliwa na uhaba mkubwa wa chakula, dawa, joto la kupasha majumba na umeme.
Kabla ya vita, mji huo ulikuwa na wakaazi takribani laki nne.
Zelenskiy aomba msaada zaidi kutoka mataifa ya Magharibi
Katika hotuba kwa bunge la Australia siku ya Alamisi, Zelenskiy ametoa wito kwa serikali mjini Canberra kuweka vikwazo vikali dhidi ya Urusi na kusimamisha biashara zote za taifa hilo nchini humo.
Amewashukuru wabunge wa Australia kwa msaada wao, lakini amewasihi kutuma zana zaidi za kijeshi, hasa magari ya kijeshi yaliotengenezwa nchini humo yanayojulikana kama Bushmaster, ambayo yanaweza kuisadia pakubwa Ukraine katika mapambano yake dhidi ya uvamizi wa Urusi.
Rais wa Ukraine Volodymyr ZelenskiyPicha: Ukrainian Presidential Press Service/Handout/REUTERS
Zelenkiy ametoa maombi sawa na hayo kwa bunge la Uholanzi pia, ambako ameomba msaada wa silaha, ujenzi mpya na kusitisha kwa biashara zote za Urusi, na kuongeza kuwa vikwazo vikali vinahitajika ili Urusi isipate fursa ya kuendeleza vita vyake barani Ulaya.
Waziri Mkuu wa Australia Scott Morrison amemuambia Zelenskiy kuwa nchi yake inasimama na watu wa Ukrainena siyo kile alichokiita mahalifu wa kivitawa Moscow.
"Namjua mwanaume huyo, unamjua pia, tunamjua sote. Tunaujua utawala wake, tunawaona wanavyotenda unyama usioelezeka dhidi ya watoto wenu, hospitali zenu na makaazi. Na tunakumbuka udunguaji wa ndege ya raia iliyobeba watu 298 wakiwemo wa Australia 38," alisema Morrison akimkaribisha Zelenskiy kuhutubia bunge.
Raia wateseka huku vita vya Ukraine vikiendelea
Huku mashambulizi ya Urusi dhidi ya Ukraine yakiendelea, raia wanahangaika kuikimbia nchi hiyo. Wengine wamejificha katika makazi ya kujizuia dhidi ya mabomu.
Wakazi wa Kyiv wamekuwa wakitumia njia mbali mbali kurudisha nyuma vikosi vya Urusi. Hapa, washiriki wa ulinzi wa raia wanatengeneza n mchanganyiko wa Molotov.
Picha: Efrem Lukatsky/AP Photo/picture alliance
Kusimama imara
Wakaazi wa Kyiv wameunda vitengo vya ulinzi wa raia kulinda jiji lao na familia zao. Hapa mlinzi wa raia mwenye silaha anapiga doria mitaani huko Kyiv baada ya amri ya kutotoka nje.
Picha: Efrem Lukatsky/AP Photo/picture alliance
Kusubiri kwa uoga
Wale ambao hawawezi kukimbia shambulio la Kyiv wanapata makazi popote wanapoweza kupata kimbilio. Wengi huenda kwenye makao ya chini ya ardhi au vituo vya treni ya chini ya ardhi wakati ving'ora vya mashambulizi ya anga vinapolia.
Picha: Kunihiko Miura/AP/picture alliance
Uharibifu
Licha ya uhakikisho wa Urusi kutolenga majengo ya kiraia, roketi na makombora yametua katika maeneo ya makazi kama jengo hili la ghorofa huko Kyiv, ambalo liliharibiwa mnamo Februari 26.
Picha: Efrem Lukatsky/AP/dpa/picture alliance
Hofu
Mwanamke amesimama nje ya nyumba yake iliyoharibiwa vibaya baada ya shambulio la roketi huko Kyiv mnamo Ijumaa, Februari 25. Vikosi vya Urusi vimewalenga raia katika miji kadhaa kote Ukraini tangu Alhamisi.
Picha: Emilio Morenatti/AP Photo/picture alliance
Mfululizo wa mashambulizi
Wakati wa usiku kuanzia Ijumaa hadi Jumamosi asubuhi, mashambulizi ya Urusi dhidi ya Kyiv yaliendelea. Jengo hili la makazi ya juu katika mji mkuu lilipigwa kwa kombora, kulingana na Meya wa Kyiv Vitali Klitschko. Klitschko amewataka wakazi wa jiji kujiepusha na madhara.
Picha: Gleb Garanich/REUTERS
Kutafuta usalama
Watu wanajificha katika majengo ya chini ya ardhi wakati ving'ora vya kuonya ya mashambulizi mapya vinapigwa mjini Kyiv. Urusi ilianzisha mashambulio la kila upande dhidi ya Ukraine mapema Februari 24.
Picha: Emilio Morenatti/AP/picture alliance
Kituo cha treni ya chini ya ardhi kimegeuka kuwa hifadhi dhidi ya mabomu
Wakazi wa Kyiv pia wamekuwa wakienda kwenye vituo vya treni vya chini ya ardhi ili kukaa salama huku mapigano yakiendelea. Jiji hilo lina idadi ya takriban watu milioni 3.
Picha: Zoya Shu/AP/dpa/picture alliance
Kukimbia eneo la vita
Raia waliohamishwa kwa treni kutoka mashariki mwa Ukraine wanawasili Lviv, magharibi mwa nchi hiyo. Nchi jirani za Poland, Hungary, na Romania zinapokea wakimbizi wengi.
Raia wa Ukraine wakiwa wamebeba mali zao kwenye kivuko cha mpaka cha Astely-Beregsurany, wakitorokea Hungary. Foleni ndefu zimeundwa mpakani, kwani watu waliokatata tamaa wanataka kuondoka.
Picha: Janos Kummer/Getty Images
Mwishowe wapo salama
Wakimbizi wawili wa Ukraine wakikumbatiana wanapowasili Hungary baada ya kupita kivuko cha mpaka cha Beregsurany Februari 26. Waziri Mkuu wa Hungary Viktor Orban aliapa kutoa msaada wa kibinadamu kwa waliowasili.
Picha: Bernadett Szabo/REUTERS
Watu wa kujitolea watoa msaada
Wafanyakazi wa kujitolea wanatayarisha sandwichi kwa ajili ya wakimbizi wa Ukraine wanaokimbilia Romania kupitia kivuko cha mpaka cha Siret, Ijumaa, Februari 25. Mamlaka ya Romania imejitayarisha kwa ajili ya kufurika kwa raia wa Ukraine.
Picha: Andreea Alexandru/AP/picture alliance
Hatuendi popote
Rais wa Ukraine, Volodymyr Zelensky, anaendelea kutuma ujumbe wa kuwahimiza raia wa Ukraine waendelee kupinga uvamizi na hivyo kuongeza ari ya wapiganaji wa Ukraine wakati wanajeshi wa Urusi wakilikaribia jiji, na milio mikubwa ya milipuko ilisikika mapema Februari 27.
Cavusoglu amesema katika mahojiano na kituo kimoja cha televisheni kwamba mkutano huo unaweza kufanyika ndani ya wiki mbili.
Wakati Urusi iliahidi kupunguza mashambulizi katika mazungumzo ya wiki hii mjini Istanbul, Idara ya upepelezi wa kijeshi ya Uingereza imesema inatarajia mapigano makali katika viunga vya mji mkuu wa Ukraine Kyiv katika siku chache zijazo.
