Hatua hizo za kiusalama zimechukuliwa wakati kukiwa na hofu kuwa tofauti za kisiasa zinaweza kuzua vurugu.

Polisi nchini humo wameweka vizuizi vya safari katika majimbo ya Bayelsa, Imo na Kogi. Tume huru ya uchaguzi ya Nigeria INEC imetahadharisha kuwa haitahesabu kura katika katika maeneo yenye vurugu.

Ijumaa tume hiyo iliripoti kuwa afisa wake mmoja alitekwa nyara kwenye jimbo la Bayelsa wakati boti jingine lililokuwa limebeba nyaraka za uchaguzi lilizama, hali iliyoathiri wapigakura 5,000 jimboni humo.

Chaguzi za majimbo nchini humo huwa na ushindani mkali ambapo magavana ni watu wenye ushawishi mkubwa. Mapigano, mauaji na vitisho kwa wapiga kura vimekuwa masuala ya kawaida kwenye chaguzi za aina hiyo.