Katika hotuba yake ya ufunguzi wa mkutano huo, Modi, aliualika Umoja wa Afrika unaowakilishwa na mwenyekiti wake Azali Assoumani kuchukuwa nafasi yake katika kundi hilo kama mwanachama wa kudumu. Modi ameongeza kuwa hatua hiyo italiimarisha kundi hilo na nchi zenye viwango vya chini vya kiuchumi na maendeleo.

Umoja wa Afrika sasa una hadhi sawa na Umoja wa Ulaya

Umoja wa Afrika wenye mataifa wanachama 55, sasa una hadhi sawa na Umoja wa Ulaya, kundi la pekee la kikanda lenye uanachama wa kudumu katika G20. Hadhi yake ya awali katika G20, ilikuwa shirika la kimataifa lililoalikwa.