Nyaraka za ndani za Umoja huo zilionesha jana kuwa M23 wamedhibiti maeneo mengine, wakati ambapo walitakiwa kuondoka huko.

Kitengo cha Ujasusi cha Umoja wa Mataifa kimesema katika ripoti yake ya siri kwamba waasi hao hawajaondoka kabisa katika jimbo la Kivu Kaskazini na mji wa Kibumba.

Ripoti hiyo imeleeza kuwa mapigano kadhaa yanayowahusisha M23 yameripotiwa wiki hii na kusababisha waasi hao kudhibiti maeneo zaidi ikiwemo Kitchanga na Nyamilima na kusababisha wasiwasi kwa raia.

M23 walipaswa kuondoka pia kwenye mji wa kimkakati wa Rumangabo hadi kufikia jana, lakini siku ya Jumatano Kikosi cha Jumuia ya Afrika Mashariki kiliahirisha hafla iliyopangwa ya makabidhiano, kikisema bado kinatathmini hali ya usalama.