Msemaji wa Umoja wa Mataifa Fatoumata Kaba ameliambia shirika la habari la AP kwamba, MINUSMA imekabidhi kambi ya Mopti iliyoko katikati mwa Mali, ambako ni moja ya maeneo yaliyoelemewa na uasi wa jihadi katika ukanda wa Sahel.

Kambi ya Mopti kwa kiasi kikubwa ilikaliwa na walinda amani kutoka Bangladesh na Togo na huko nyuma ilitumiwa na Misri, Pakistani na Senegal.

Siku ya Jumatatu MINUSMA itafanya tafrija ya kuifunga makao makuu yake katika mji mkuu Bamako, kuashiria mwisho wa ujumbe huo nchini Mali.