Katika tathmini yake wakati wa Siku ya Kimataifa ya Wanawake hapo jana, umoja huo ulisema tangu uongozi wa Taliban uingie madarakani mnamo Agosti mwaka 2021, taifa hilo limekuwa kandamizi zaidi duniani kwa wanawake na wasichana, kwa kuwanyima haki zao zote za kimsingi.

UN. yaonya dhidi ya ukandamizaji wa wanawake Afghanistan

Mwakilishi maalumu wa katibu mkuu wa Umoja huo wa Mataifa Roza Otunbayeva ambaye pia ni mkuu wa ujumbe wa kisiasa wa Umoja huo nchini Afghanistan, ameliambia baraza la usalama la Umoja wa Mataifa mjini New York kwamba viongozi wa Taliban wanadai kuwa wameliunganisha taifa hilo lakini pia wameligawanya vibaya katika misingi ya kijinsia.