Licha ya Israel kukosoa mashirika ya Umoja wa Mataifa kwa miaka miwili kwa kile ilichosema ni kushindwa kwa Umoja huo kukosoa mashambulizi ya Oktoba 7 mwaka 2023 yaliyofanywa na Hamas nchini Israel, azimio hilo lililopendekezwa na Ufaransa na Saudi Arabia halina mjadala.

Azimio, linatoa wito wa hatua za pamoja kuchukuliwa kumaliza vita vya Gaza, kufikia suluhu ya kudumu ya mzozo wa Israel na Palestina kwa utekelezaji wa suluhu ya mataifa hayo mawili.

Rais wa Baraza hilo Annalena Baerbock amesema kanda ya mashariki ya kati haihitaji migogoro zaidi inachohitaji ni juhudi za kidiplomasia kuelekea amani.

"Kikao hiki cha 80 si kikao cha kawaida. Kuongezeka kwa vita ni jambo la kutia wasiwasi na natoa wito kwa pande zote kujizuwia. Kama inavyotakiwa na makubaliano yetu ya Umoja wa Mataifa, Uhuru na maeneo ya nchi wanachama ni lazima yaheshimiwe na yasikiukwe na nchi wanachama.Hatuhutaji vita zaidi Mashariki ya Kati, tunahitaji hatua za kidiplomasia zinazotuelekeza katika usitishwaji kamili wa vita, kuimarika kwa hali ya kibinaadamu kwa watu wa Gaza na kuachiwa kwa mateka wote wanaoshikiliwa na Hamas"

Ujerumani imesema italiunga mkono azimio hilo japokuwa haiamini kama ni wakati sahihi wa kuitambua Palestina kama taifa.