Kamati hiyo imesema inaitaka serikali mjini London kusitisha mswada huo au kuufuta kabisa iwapo utapitishwa na kwamba imesikitishwa na makubaliano ambayo yalipelekea kuanzishwa kwa muswada huo unaoweza kuwa sheria mwezi ujao, na kusema makubaliano kati ya nchi hizo hayakujali uamuzi wa Mahakama Kuu ya Uingereza iliyosema kuwa mpango huo unakinzana na sheria za kimataifa.

Soma pia: Uingereza ingali na lengo kuwapeleka wakimbizi Rwanda

Serikali ya kihafidhina ya Waziri Mkuu Rishi Sunak inalenga kuanzisha mpango huo ili kuwakatisha tamaa maelfu ya wahamiaji wanaowasili Uingereza kwa kutumia mashua ndogo, lakini vikwazo vya kisheria vimekuwa vikiuzuia muswada huo.