Shirika hilo limeeleza kuwa wakimbizi hao hawana sehemu salama ya kwenda katikati ya mashambulizi ya mabomu, ukosefu wa chakula na maji na hali mbaya ya kibinadamu.

UNRWA imeongeza kuwa kwa sasa inakabiliwa na wakati mgumu hata kutoa misaada ya kibinadamu.

Mji huo mdogo ulioko kusini mwa Ukanda wa Gaza umekuwa ukiwapa hifadhi zaidi ya Wapalestina milioni moja waliokimbia mashambulizi ya Israel.

Wapalestina wengi wamelalamika juu ya mazingira magumu wanayokabiliwa nayo kila sehemu wanapokwenda.