Gavana wa mkoa wa Belgorod Vyacheslav Gladkov amesema droni hizo "zilidunguliwa" kwenye wilaya ya Yakovlevsky, iliyopo kaskazini magharibi mwa jiji la Belgorod. Usiku wa Alhamisi, ndege mbili zisizo na rubani za Ukraine zilidunguliwa huko Rostov-on-Don kusini-magharibi mwa Urusi.

Tangu Ukraine ilipoanzisha mashambulizi yake mapema mwezi Juni,  Urusi imestahimili wimbi la mashambulizi  ya ndege zisizo na rubani katika miezi ya hivi karibuni ambayo yameharibu mara kadhaa majengo nchini humo hasa katika mji mkuu Moscow.

Hayo yakijiri, Wafanyakazi wawili wa mashirika ya kutoa misaada, raia wa Canada na Uhispania, wameuawa karibu na Bakhmut, mashariki mwa Ukraine katika shambulio ambalo Kiev imesema limefanywa na Urusi jana Jumapili.