Kupitia ukurasa wake wa telegram, rais huyo wa zamani wa Urusi amesema kiwanda cha kijeshi kinasonga mbele pamoja na kwamba mataifa ya Magharibi yanajaribu kuonesha taifa hilo linaishiwa mizinga, vifaru na makombora.

Hivi karibuni, Medvedev, ambaye pia anahusika na sekta ya uzaliashaji wa silaha katika Baraza la Usalama, alizungumzia juu ya kujenga na kuviboresha idadi kubwa ya vifaru wakati alitembelea kiwanda kimoja nchini humo.

Hata hivyo wataalamu wanaonesha mashaka kama Urusi inaweza kuwa na uwezo wa kuzalisha kiwango hicho cha vifaru.