Urusi na Ukraine wabadilishana wafungwa wa vita
24 Agosti 2024![Ukraine | Urusi](https://static.dw.com/image/70039680_800.webp)
Huu ni ubadilishanaji wa kwanza wa aina hii kufanyika tangu Ukraine ilipoanzisha shambulizi la kushtukiza katika eneo la Urusi la Kursk mnamo Agosti 6, shambulizi linalosemekana kuwa kubwa kabisa kufanywa nchini Urusi na taifa la kigeni tangu kumalizika kwa vita vya pili vya dunia.
Wanajeshi wote wa Urusi walioachiwa, sasa wapo Belarus watakakopokea matibabu kabla ya kurejeshwa nchini mwao.
Putin aishtumu Ukraine kujaribu kukishambulia kinu cha nyuklia
Wakati huo huo rais wa Ukraine Volodymyr Zelenskiy alichapisha picha ya wafungwa hao wa vita wa nchi yake wakiwa wamejifunika kwa bendera ya taifa hilo ya rangi ya buluu na njano. Zelesnky amesema walioachiwa walikuwa walinzi wa mpakani, wa taifa, wa jeshi la majini na wanajeshi wa ardhini.
Umoja wa Falme za kiarabu UAE imethibitisha jukumu lake la kushiriki juhudi za kuachiwa kwa wafungwa hao ikisema kupitia wizara ya mambo ya nje kwamba idadi ya wafungwa walioachiliwa tangu ichukue jukumu hilo imefikia 1,788.