Urusi na Vietnam zimesema katika taarifa ya pamoja kwamba ushirikiano wao wa kiulinzi na usalama hauelekezwi dhidi ya nchi yoyote bali unachangia katika kudumisha amani, utulivu na maendeleo endelevu.

Marais To Lam na Vladmir Putin wametia saini mikataba ipatayo kumi na mbili ya ushirikiano juu ya elimu, haki na miradi ya nyuklia kwa matumizi ya amani.

Putin aliwaambia waandishi wa habari kuwa mazungumzo yake yalikuwa ya manufaa na kwamba Urusi na Vietnam zina misimamo sawa na inayokaribiana katika masuala muhimu ya kimataifa.