Lavrov ametoa ahadi hiyo akiwa katika ziara yake ya kwanza nchini Mali, ambapo amesifu ushirikiano baina ya nchi hizo mbili alioutaja kuwa wa kihistoria. Mwanadiplomasia huyo mkuu wa Urusi amesema msaada huo utazifikia pia nchi nyingine za ukanda huo, zikiwemo Guinea, Burkina Faso na Chad.

Miaka iliyopita Mali ilitegemea mkoloni wake wa zamani, Ufaransa, kwa msaada wa kijeshi katika kukabiliana na waasi, lakini Ufaransa iliwaondoa wanajeshi wake kutoka Mali mwaka uliopita baada ya kutokea mgongano baina yake na watawala wa kijeshi waliochukua madaraka mjini Bamako.

Tangu kushika hatamu za uongozi, wanajeshi hao wamepata msaada wa silaha na wakufunzi wa kijeshi kutoka Urusi.