Wizara ya Ulinzi Urusi imesema mashambulizi ya hivi karibuni yalilenga eneo la kusini la Volgogran ambapo droni 67 zilidunguliwa na  nyingine 17 ziliangushwa katika mikoa ya Belgorod na Voronezh huku 18 zilidunguliwa katika eneo la Rostov.

Ama kwa upande mwingine Gavana wa mkoa wa Belgorod Vyacheslav Gladkov ameripoti kwamba mtu mmoja ameuwawa na wengine wanane wamejeruhiwa katika mkururo wa mashambulizi ya Ukraine ya makombora na droni kwa saa 24 zilizopita.

Soma pia:Mashambulizi ya Urusi katika hospitali Ukraine yaua watu saba

Vikosi vya Urusi vinaposonga mbele kwenye uwanja wa vita mashariki mwa Ukraine, Kyiv nayo imekuwa ikifanya mashambulio ya kuvuka mpaka katika eneo la Kursk magharibi mwa Urusi tangu Agosti 6 na kuendeleza mashambulizi makubwa ndani ya ardhi ya Urusi.