Wizara hiyo imeeleza kwamba hakukuwepo majeruhi au uharibifu wowote kufuatia tukio hilo.

Hata hivyo, haikutoa maelezo juu ya sehemu ndege hiyo isiyo na rubani ilipodunguliwa, lakini imesema tukio hilo limefanyika katika eneo la Moscow Oblast, viungani mwa mji mkuu wa Moscow.

Jaribio hilo la shambulizi linaongeza wasiwasi juu ya uwezekano wa Moscow kushambuliwa katika wakati ambapo vita kati ya Urusi na Ukraine vinaingia mwezi wake wa 18.

Soma zaidi: Makombora kadhaa ya Urusi yarushwa Ukraine

Kulifanyika mashambulizi mawili ya ndege zisizokuwa na rubani mjini Moscow mnamo siku ya Jumatatu, moja likilenga katikati mwa mji huo karibu na makao makuu ya wizara ya ulinzi.