Urusi imekuwa ikijaribu kwa miezi kadhaa kuuteka mji huo, ikisema kuudhibiti kutakuwa ni hatua kubwa kuelekea kuushikilia ukanda mzima wa Donbas.

Hata hivyo, wapanga mikakati wa kimagharibi wanasema kuukamata mji wa Bakhmut hakutakuwa na uzito ikilinganishwa na gharama iliyolipa Urusi.

Wanajeshi wa Ukraine wameonekana kuimarisha ngome zao magharibi mwa Bakhmut katika kinachoaminika kuwa matayarisho ya kujiondoa, lakini bado haijawa bayana kama watafanya hivyo.

Rais Zelenskiy amesema amezungumza na makamanda wa kimkoa na wote wamesema hawauachi mji wa Bakhmut, bali wataimarisha ulinzi wao.