Hata hivyo jeshi la Kiev limesema limefanikiwa kuwazuia askari wa Urusi kusonga mbele huku wanablogu wa Ukraine wakiripoti kuwa vikosi vya Moscow vimechukua udhibiti wa kijiji cha Ostrivske, kusini mwa Kurakhivka.

Rais wa Ukraine Volodymyr Zelensky anatarajiwa Jumatano (16.10.2024) kuwasilisha bungeni mpango wake unaotajwa kuwa na mikakati ya kuvimaliza vita hivyo.  

Hivi karibuni Zelensky alifanya ziara kwa washirika wake wa Magharibi, ikiwa ni pamoja na Marekani, Ujerumani, Uingereza, Ufaransa na Italia ambako pia aliwasilisha mpango huo huku akilenga pia kufanikisha azma ya Ukraine kujiunga na Jumuiya ya Kujihami ya NATO.