Haya yamesemwa mapema Alhamis na mwendeshaji wa gridi hiyo ya Ukrenergo.

Amesema kwenye taarifa kupitia Telegram kwamba kumekuwepo na uharibifu wa vifaa katika mtambo huo mkubwa kabisa wa mifumo ya usambazaji umeme katika maeneo ya katikati mwa Ukraine.

Urusi imeongeza mashambulizi kwenye miundombinu muhimu ya Ukraine, ikiwa ni pamoja na mitambo ya umeme katika wiki za karibuni, na kuwaacha mamilioni wakikosa umeme na mifumo ya joto kwa muda mrefu wakati majira ya baridi yakikaribia.