Gavana Maksym Kozytskyi amesema kupitia mitandao ya kijamii kwamba mashambulizi hayo yamesababisha kukatika kwa umeme kwenye jiji la Lviv na eneo hilo zima.

Taarifa zimesema vikosi vya Urusi vilifanya mashambulizi makubwa ya droni dhidi ya Ukraine tangu jana usiku na kuendelea hadi hii leo na ambayo yanachukuliwa kuwa makubwa zaidi katika kipindi cha wiki kadhaa.

Huku hayo yakiendelea, afisa wa ngazi za juu wa ofisi ya rais wa Ukraine amewaomba washirika wake kuiruhusu kuishambulizi Urusi kwa makombora ya masafa marefu iliyopewa na magharibi, kufuatia mashambulizi haya ya leo.