Von der Leyen atowa hotuba katika bunge la Umoja wa Ulaya
13 Septemba 2023![EU Parlament Kommissionspräsidentin Ursula von der Leyen Rede](https://static.dw.com/image/66796882_800.webp)
Matangazo
Von der Leyen amejiepusha kuzungumzia kuhusu ikiwa anataka kuwania muhula wa pili kwenye nafasi hiyo.
Miongoni mwa aliyoyagusia kwenye hotuba hiyo aliyoitowa mbele ya bunge la Umoja wa Ulaya,mjini Strassburg,ni suala la Ukraine akisema mustakabali wa nchi hiyo uko mikononi mwa Umoja wa Ulaya.
Amesema Ukraine imechukuwa hatua kubwa katika juhudi zake za kutaka kuwa mwanachama wa Jumuiya hiyo na kazi sio rahisi. Ameahidi kwamba jumuiya hiyo itaendelea kuwapa ulinzi raia wa nchi hiyo waliokimbia vita vya Urusi.
Kwenye hotuba yake hiyo inayotowa mwelekeo wa sera zake,pia ameapa kuitetea sekta ya viwanda ya Umoja wa Ulaya dhidi ya viwango vya chini vya bei ya magari ya umeme yanayotengenezwa na China.